സഹകരണ കോൺഗ്രസ്​ ധൂർത്ത് ഒഴിവാക്കണം ^എം.എൽ.എ

സഹകരണ കോൺഗ്രസ് ധൂർത്ത് ഒഴിവാക്കണം -എം.എൽ.എ ശ്രീകണ്ഠപുരം: ഫെബ്രുവരി 10 മുതൽ 12വരെ കോടികൾ ചെലവഴിച്ച് കണ്ണൂരിൽ നടത്തുന്ന എട്ടാമത് സഹകരണ കോൺഗ്രസി​െൻറ ധൂർത്തും ആർഭാടവും ഉപേക്ഷിച്ച് ബിസിനസ് സമ്മേളനമായി നടത്തണമെന്ന് മുഖ്യമന്ത്രിക്കയച്ച കത്തിൽ കെ.സി. ജോസഫ് എം.എൽ.എ ആവശ്യപ്പെട്ടു. സംസ്ഥാനം രൂക്ഷമായ സാമ്പത്തികപ്രതിസന്ധിയും ദുരന്തത്തി​െൻറ കെടുതികളും നേരിടുമ്പോൾ കോടികൾ ചെലവഴിച്ച് സഹകരണ കോൺഗ്രസ് നടത്തുന്നതിന് ന്യായീകരണമില്ല. പരിപാടിക്കായി ഒാരോ സംഘത്തിൽനിന്ന് ലക്ഷക്കണക്കിന് രൂപ നിർബന്ധിതപിരിവ് നടത്തുകയാണ്. പരിപാടി ഒരു സി.പി.എം മേളയാക്കി നടത്താനാണ് ഉദ്ദേശ്യമെങ്കിൽ ഇതിനോട് സഹകരിക്കണമോ എന്നകാര്യം യു.ഡി. എഫ് ആലോചിക്കേണ്ടിവരുമെന്നും അദ്ദേഹം സൂചിപ്പിച്ചു.