സംഘാടകസമിതി രൂപവത്​കരിച്ചു

തളിപ്പറമ്പ്: കേരള അറബിക് ടീച്ചേഴ്സ് ഫെഡറേഷൻ കണ്ണൂർ റവന്യൂ ജില്ല സമ്മേളനം ജനുവരി 30ന് കപ്പാലം വ്യാപാരഭവനിൽ നടക്കും. പരിപാടിക്കായി 101 അംഗ . സംഘാടകസമിതി ചെയർമാനായി തളിപ്പറമ്പ് നഗരസഭ അധ്യക്ഷൻ മഹമൂദ് അള്ളാംകുളെത്തയും ജനറൽ കൺവീനറായി കെ.എ.ടി.എഫ് ജില്ല ജനറൽ സെക്രട്ടറി എ.പി. ബഷീറിനെയും തെരഞ്ഞെടുത്തു. യോഗം അഡ്വ. എസ്. മുഹമ്മദ് ഉദ്‌ഘാടനം ചെയ്തു. ഫെഡറേഷൻ ജില്ല പ്രസിഡൻറ് കെ.കെ. അബ്ദുല്ല അധ്യക്ഷതവഹിച്ചു. മണ്ഡലം മുസ്‌ലിം ലീഗ് പ്രസിഡൻറ് സി.പി.വി. അബ്ദുല്ല പോസ്റ്റർ പ്രകാശനം നിർവഹിച്ചു. എം. ഹുസൈൻ മാസ്റ്റർ, എ.പി. ബഷീർ, പി.കെ. മുഹമ്മദ് ബഷീർ, എം. മുഹമ്മദ് അജ്മൽ, എം. മുഹമ്മദ് നജീബ്, സി.പി. കുഞ്ഞബ്ദുല്ല, പി. ഇബ്രാഹിം, അബൂബക്കർ റഷീദ്, ആഷിഖ് ബഷീർ എന്നിവർ സംസാരിച്ചു.