വിളംബര ഘോഷയാത്ര

പെരിങ്ങോം: തവിടിശ്ശേരി ഗവ. ഹൈസ്കൂൾ 62ാം വാർഷികാഘോഷത്തിന് തുടക്കം കുറിച്ചുള്ള വിളംബര ഘോഷയാത്രയും സ്കൂൾ വികസനപദ്ധതിയുടെ മാസ്റ്റർ പ്ലാൻ പ്രകാശനവും ഞായറാഴ്ച ഉച്ച രണ്ടിന് നടക്കും. ജില്ല പഞ്ചായത്ത് പ്രസിഡൻറ് പി.പി. ദിവ്യ പരിപാടി ഉദ്ഘാടനംചെയ്യും. ബ്ലോക്ക് പഞ്ചായത്ത് പ്രസിഡൻറ് സി. സത്യപാലൻ മാസ്റ്റർ പ്ലാൻ പ്രകാശനംചെയ്യും. 2018 ഏപ്രിൽ വരെ വിവിധ പരിപാടികളോടെയാണ് വാർഷികാഘോഷം സംഘടിപ്പിക്കുന്നത്. പരിപാടിയുടെ ഒരുക്കങ്ങൾ പൂർത്തിയായതായി സംഘാടകസമിതി ഭാരവാഹികളായ ഹെഡ്മിസ്ട്രസ് പി. സവിത, പി.ടി.എ പ്രസിഡൻറ് കെ.പി. ദിനേശൻ, സീനിയർ അസി. വി.കെ. പ്രസന്നകുമാർ, പഞ്ചായത്തംഗം ടി.പി. ഉഷ, എസ്.എം.സി കൺവീനർ ടി.വി. കൃഷ്ണൻ എന്നിവർ വാർത്തസമ്മേളനത്തിൽ അറിയിച്ചു.