പാലിയേറ്റിവ് ദിനാചരണം

മട്ടന്നൂര്‍: അമ്മ പെയിന്‍ ആൻഡ് പാലിയേറ്റിവ് കെയര്‍ യൂനിറ്റ്, മിനി സ്‌പോര്‍ട്‌സ് ആൻഡ് ആര്‍ട്‌സ് ക്ലബ്, ജെയിംസ് സ്മാരക വായനശാല എന്നിവയുടെ ആഭിമുഖ്യത്തില്‍ ദേശീയ പാലിയേറ്റിവ് ദിനാചരണത്തി​െൻറ ഭാഗമായി, കിടപ്പിലായ രോഗികള്‍ക്ക് ഐക്യദാര്‍ഢ്യം പ്രഖ്യാപിച്ച് വ്യാപാരസ്ഥാപനങ്ങളില്‍ ദീപം തെളിച്ചു. കെ. ശ്രീധരന്‍, പി. അരുണ്‍കുമാര്‍, എന്‍. പ്രകാശന്‍, കാരായി ശ്രീധരന്‍, ഡോ. ജി. കുമാരന്‍ നായര്‍ എന്നിവര്‍ സംസാരിച്ചു. കിടപ്പിലായ രോഗികള്‍ക്കും വിവിധ ആദിവാസി കോളനിവാസികളിലുമായി പുതുവസ്ത്രങ്ങളും പുതപ്പുകളും നൽകി. പരിപാടിയുടെ ഉദ്ഘാടനം ഡോ. എ. ജോസഫ് നിര്‍വഹിച്ചു. ഡോ. ജി. കുമാരന്‍ നായര്‍ അധ്യക്ഷത വഹിച്ചു. ഒ. പ്രീത, കെ. പ്രജീഷ്, അനില്‍ മട്ടന്നൂര്‍, കാരായി ശ്രീധരന്‍ എന്നിവര്‍ സംസാരിച്ചു.