സി.പി.എം ബ്രാഞ്ച് ഓഫിസ് ബോം​െബറിഞ്ഞ് തകര്‍ത്തു

മട്ടന്നൂര്‍: നടുവനാട് ടൗണില്‍ സി.പി.എം ബ്രാഞ്ച് കമ്മിറ്റി ഓഫിസ് ബോംെബറിഞ്ഞ് തകര്‍ത്തു. വ്യാഴാഴ്ച പുലര്‍ച്ച നാേലാടെയായിരുന്നു സംഭവം. ബോംെബറിഞ്ഞശേഷം ആക്രമിസംഘം ഓഫിസ് അടിച്ച് തകര്‍ക്കുകയായിരുന്നു. പാര്‍ട്ടി ഓഫിസായി പ്രവര്‍ത്തിക്കുന്ന എ.കെ.ജി സ്മാരകമന്ദിരത്തിന് നേരെയാണ് ആക്രമണം നടന്നത്. രണ്ടു മാസം മുമ്പ് നവീകരണം നടത്തിയ ഓഫിസാണ് തകര്‍ക്കപ്പെട്ടത്. ജനല്‍ ചില്ലുകള്‍, ഇലക്ട്രോണിക്‌സ് ഉപകരണങ്ങള്‍, വാതിലുകള്‍ എന്നിവ തകര്‍ക്കപ്പെട്ടിട്ടുണ്ട്. സംഭവത്തിന് പിന്നില്‍ ആര്‍.എസ്.എസ് ആണെന്ന് സി.പി.എം ആരോപിച്ചു. ജനുവരി ഒന്നിന് കൊട്ടൂറിഞ്ഞാലില്‍ ആര്‍.എസ്.എസ് പ്രവര്‍ത്തക​െൻറ വീടിനുനേരെ ആക്രമണമുണ്ടായിരുന്നു. ഇതി​െൻറ തുടര്‍ച്ചയാണ് ഇതെന്നാണ് പൊലീസി​െൻറ പ്രാഥമിക നിഗമനം. എസ്.ഐ രാജീവ് കുമാറി​െൻറ നേതൃത്വത്തിലുള്ള പൊലീസ് സംഘം സ്ഥലം സന്ദര്‍ശിച്ച് അന്വേഷണം ആരംഭിച്ചു. സംഭവത്തില്‍ പ്രതിഷേധിച്ച് നടുവനാട് മേഖലയില്‍ സി.പി.എം ഹര്‍ത്താലും പ്രകടനവും നടത്തി.