എടക്കാട്^-കാടാച്ചിറ റോഡ്​ പ്രവൃത്തിക്ക്​ ഒരു കോടി

എടക്കാട്-കാടാച്ചിറ റോഡ് പ്രവൃത്തിക്ക് ഒരു കോടി എടക്കാട്: എടക്കാട്-കാടാച്ചിറ റോഡിന് അനുവദിച്ച 94 ലക്ഷം രൂപ ഒരു കോടിയായി ഉയർത്തുമെന്ന് പൊതുമരാമത്ത് മന്ത്രി ജി. സുധാകരൻ പറഞ്ഞു. എടക്കാട് ബസാറിൽ റോഡുകളുടെ പുനരുദ്ധാരണ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. എടക്കാട് മുതൽ കാടാച്ചിറ വരെയുള്ള മൂന്നര കിലോമീറ്റർ റോഡിൽ രണ്ടര കിലോമീറ്റർ മെക്കാഡം ടാറിങ് നടത്താൻ 96 ലക്ഷം രൂപയാണ് നേരത്തേ നീക്കിവെച്ചത്. എന്നാൽ, ബാക്കിയുള്ള 940 മീറ്റർ റോഡുകൂടി മെക്കാഡം ടാറിങ് നടത്തുന്നതിനാണ് തുക വർധിപ്പിച്ചതെന്ന് മന്ത്രി പറഞ്ഞു. നേരത്തേ റോഡി​െൻറ എസ്റ്റിമേറ്റ് മുഴുവനായും കണക്കാക്കാതിരുന്നതിനെപ്പറ്റി അറിയില്ലെന്നും അറിഞ്ഞിരുന്നെങ്കിൽ തുക നേരത്തേതന്നെ അനുവദിക്കുമായിരുന്നുവെന്നും മന്ത്രി പറഞ്ഞു. ഇതി​െൻറ പേരിൽ പുതിയ ടെൻഡർ വിളിക്കാതെതന്നെ ബാക്കി റോഡി​െൻറ നിർമാണം പൂർത്തിയാക്കാൻ ശ്രമിക്കണമെന്നും മന്ത്രി ബന്ധപ്പെട്ടവർക്ക് നിർദേശം നൽകി.