'വിദ്യാഭ്യാസ വായ്​പ തിരിച്ചടവ്​ നടപടി റിലയൻസിനെ ഏൽപിക്കരുത്​'

കണ്ണൂർ: വിദ്യാഭ്യാസ വായ്പ തിരിച്ചടവ് നടപടി റിലയൻസിനെ ഏൽപിക്കാനുള്ള അധികൃതരുടെ നീക്കം ഉപേക്ഷിക്കണമെന്ന് എസ്.ബി.ടിയിൽനിന്ന് വിദ്യാഭ്യാസ വായ്പയെടുത്തവരുടെ സംഗമം ആവശ്യപ്പെട്ടു. വായ്പയെടുത്തവർക്കെതിരെയുള്ള റിലയൻസ് ഇടപെടലിനെതിരെ ഹൈകോടതിയെ സമീപിക്കാനും തീരുമാനിച്ചു. എജുക്കേഷനൽ ലോൺ വെൽെഫയർ അസോസിയേഷൻ നേതൃത്വത്തിൽ നടത്തിയ സംഗമം വെൽെഫയർ പാർട്ടി ജില്ല സെക്രട്ടറി സി. മുഹമ്മദ് ഇംതിയാസ് ഉദ്ഘാടനംചെയ്തു. അസോസിയേഷൻ ജില്ല പ്രസിഡൻറ് ബെന്നി ഫെർണാണ്ടസ് അധ്യക്ഷത വഹിച്ചു. സെക്രട്ടറി ലില്ലി ജെയിംസ്, എം.സി. ശ്രീധരൻ, പി.കെ. ജബ്ബാർ, വി.പി. വിജയൻ എന്നിവർ സംസാരിച്ചു.