എൻ. ഉണ്ണികൃഷ്ണൻ പുരസ്കാരം എ.വി. ഗോപാലൻ നമ്പ്യാർക്ക്

മയ്യിൽ: സാമൂഹികപ്രവർത്തകനായിരുന്ന എൻ. ഉണ്ണികൃഷ്ണ​െൻറ സ്മരണക്കായി തായംപൊയിൽ സഫ്ദർ ഹശ്മി സ്മാരക ഗ്രന്ഥാലയം ഏർപ്പെടുത്തിയ രണ്ടാമത് എൻ. ഉണ്ണികൃഷ്ണൻ സ്മാരക പുരസ്കാരം മുതിർന്ന കമ്യൂണിസ്റ്റ് നേതാവും ഗ്രന്ഥശാല പ്രവർത്തകനുമായ ചെറുപഴശ്ശിയിലെ എ.വി. ഗോപാലൻ നമ്പ്യാർക്ക് ----------(എ.വി). 5000 രൂപയും ശിൽപവും ഉൾപ്പെടുന്ന പുരസ്കാരം 14ന് വൈകീട്ട് ആറിന് തായംപൊയിലിൽ ചേരുന്ന എൻ. ഉണ്ണികൃഷ്ണൻ -സഫ്ദർ ഹശ്മി അനുസ്മരണ സമ്മേളനത്തിൽ കഥാകൃത്ത് സന്തോഷ് ഏച്ചിക്കാനം സമ്മാനിക്കും. ലൈബ്രറി കൗൺസിൽ ജില്ല എക്സിക്യൂട്ടിവ് അംഗം യു. ജനാർദനൻ അധ്യക്ഷതവഹിക്കും. ഡോ. കലാമണ്ഡലം ലത 30ാം വാർഷികാഘോഷം ഉദ്ഘാടനംചെയ്യും. തുടർന്ന് പിലാത്തറ ലാസ്യ കോളജ് ഓഫ് ഫൈൻ ആർട്സ് അവതരിപ്പിക്കുന്ന കുരുക്ഷേത്ര നൃത്തസമന്വയം അരങ്ങേറും.