അഞ്ച് റോഡുകളുടെ നവീകരണത്തിന് 31 ലക്ഷം

ഇരിട്ടി: വെള്ളപ്പൊക്ക ദുരിതാശ്വാസ പ്രവർത്തനങ്ങളുടെ ഭാഗമായി പേരാവൂർ നിയോജകമണ്ഡലത്തിലെ അഞ്ച് റോഡുകളുടെ നവീകരണത്തിന് 31 ലക്ഷം രൂപ അനുവദിച്ചതായി സണ്ണിജോസഫ് എം.എൽ.എ അറിയിച്ചു. റോഡ്, ബ്രാക്കറ്റിൽ തുക എന്ന ക്രമത്തിൽ. കണിച്ചാറിലെ രാജമുടി--ജവഹർ നഗർ റോഡ് (നാല് ലക്ഷം), മുഴക്കുന്നിലെ കുറുക്കൻമുക്ക്-പാറക്കണ്ടം റോഡ് (ആറ് ലക്ഷം), പായത്തെ കുന്നോത്ത് പുതിയ ഭഗവതി ക്ഷേത്രം-മരംവീണകണ്ടി റോഡ് (അഞ്ച് ലക്ഷം), അയ്യങ്കുന്നിലെ അങ്ങാടിക്കടവ്- വാലൻകരി റോഡ് (എട്ട് ലക്ഷം), കാലുക്കുന്ന്-ഇരിട്ടി പ്രഗതി കോളജ് റോഡ് (എട്ട് ലക്ഷം).