പുകഴ്ച പെരുന്നാൾ തുടങ്ങി

കേളകം: സ​െൻറ് ജോർജ് ഓർത്തഡോക്‌സ് വലിയപള്ളിയിൽ ദൈവമാതാവി​െൻറ പുകഴ്ച പെരുന്നാളിന് തുടക്കമായി. ജനുവരി 14ന് സമാപിക്കും. കൊടിയേറ്റ് കർമം ഫാ. നോബിൻ കെ. വർഗീസ് നിർവഹിച്ചു. തുടർന്ന് മംഗലാപുരം യേനപ്പോയ മെഡിക്കൽ കോളജി​െൻറ ആരോഗ്യകാർഡ് വിതരണംചെയ്തു. വിവിധ ദിവസങ്ങളിൽ മധ്യസ്ഥപ്രാർഥനയും കലാപരിപാടികളും നടക്കും. ജനുവരി 12ന് വിളംബരറാലി, 13ന് സന്ദേശയാത്ര പെരുന്താനം, പൂവത്തിൻചോല എന്നിവിടങ്ങളിൽനിന്നാരംഭിച്ച് കേളകം ടൗണിൽ സംഗമിച്ച് പള്ളിയിലേക്ക് പ്രവേശിക്കും. ഏഴിന് നഗരപ്രദക്ഷിണവും തുടർന്ന് ചുരയ്ക്കത്തടത്തിൽ കുര്യാച്ചൻ റബേക്ക, ചാരിറ്റബിൾ ട്രസ്റ്റി​െൻറ ധനസഹായവിതരണം മെത്രാപ്പോലീത്ത ഡോ. എബ്രഹാം മാർ എപ്പിപ്പാനിയോസ് നിർവഹിക്കും. തുടർന്ന് നേർച്ചഭക്ഷണം. ഞായറാഴ്ച രാവിലെ 10ന് കുർബാന, മെത്രാപ്പോലീത്ത ഡോ. എബ്രഹാം മാർ എപ്പിപ്പാനിയോസ് മുഖ്യകാർമികനായിരിക്കും. തുടർന്ന് സ​െൻറ് ജോർജ് ചാരിറ്റബിൾ ട്രസ്റ്റി​െൻറ ധനസഹായവിതരണവും നടക്കും.