നഗരസഭ ജീവനക്കാരുടെ അനിശ്ചിതകാല സമരം

മാഹി: ഏഴാം ശമ്പള കമീഷൻ റിപ്പോർട്ട് നഗരസഭ ജീവനക്കാർക്കും ബാധകമാക്കി നടപ്പാക്കണമെന്നാവശ്യപ്പെട്ട് സംസ്ഥാനവ്യാപകമായി നടക്കുന്ന അനിശ്ചിതകാല സമരം അഞ്ചുദിവസം പിന്നിട്ടു. വ്യാഴാഴ്ച ഇതുസംബന്ധിച്ച് പുതുച്ചേരിയിൽ മുഖ്യമന്ത്രിയുടെ സാന്നിധ്യത്തിൽ നടന്ന ചർച്ച തീരുമാനമാകാതെ അലസിപ്പിരിഞ്ഞിരുന്നു. നേരേത്ത രണ്ടുതവണയായി ജീവനക്കാർ ഈ ആവശ്യം ഉന്നയിച്ച് സമരം നടത്തിയിരുന്നു. സർക്കാർ ഉറപ്പ് പാലിച്ചില്ലെന്നാരോപിച്ചാണ് ജീവനക്കാർ വീണ്ടും സമരത്തിനിറങ്ങിയത്.