മതസ്പര്‍ധയുണ്ടാക്കുന്നവരെ ഒറ്റപ്പെടുത്തണം

ഉരുവച്ചാൽ: മതസ്പര്‍ധയുണ്ടാക്കുന്നവരെ സമൂഹം ഒറ്റപ്പെടുത്തണമെന്ന് പാണക്കാട് സാബിഖലി ശിഹാബ് തങ്ങൾ. ഉരുവച്ചാൽ പഴശ്ശിയിൽ നാല് ദിവസമായി നടന്നുവരുന്ന എസ്.കെ.എസ്.എസ്.എഫ് പഴശ്ശി ശാഖ 21ാം വാർഷിക പരിപാടി ഉദ്ഘാടനം ചെയ്യുകയായിരുന്നു അദ്ദേഹം. പി.എ. അസീസ് ഫൈസി ഇർഫാനി അധ്യക്ഷത വഹിച്ചു. എൻ. അബ്ദുൽ സലാം, മംഗലാട്ട് ബഷീർ, പി.കെ. യൂസഫ് ഹാജി എന്നിവർ സംസാരിച്ചു. ഡോ. അബ്ദുൽ ജലീൽ ദാരിമി, യഹ്യ ബാഖവി എന്നിവർ പ്രഭാഷണം നടത്തി. തിങ്കളാഴ്ച രാത്രി ഏഴുമണിക്ക് പാണക്കാട് ഹാഷിറലി ശിഹാബ് തങ്ങൾ ഉദ്ഘാടനം ചെയ്യും. കുമ്മനം നിസാമുദ്ദീൻ അസ്ഹരി അൽ ഖാസിമി പ്രഭാഷണം നടത്തും.