മാഹി സി.ഐക്കെതിരെ കേസെടുക്കാൻ ഹൈകോടതി ഉത്തരവ്

മാഹി: മാഹി സർക്കിൾ ഇൻസ്‌പെക്ടർ തീരദേശ എസ്.ഐയുടെ വീട്ടിൽ അനധികൃതമായി െറയിഡ് നടത്തിയതിനെതിരെ കേസെടുത്ത് അന്വേഷണം നടത്താൻ മദ്രാസ് ഹൈകോടതി ഉത്തരവിട്ടു. നവംബർ 22ന് മാഹി സി.ഐ ആർ. ഷണ്മുഖവും സംഘവും തീരദേശ എസ്.ഐ പി.പി. ജയരാജ​െൻറ വീട്ടിൽ അതിക്രമിച്ച് കയറി വീട് പരിശോധന നടത്തിയതായാണ് പരാതി. 23ന് ജയരാജ​െൻറ ഭാര്യ സമർപ്പിച്ച ഹരജി പരിഗണിച്ചാണ് കോടതി ഉത്തരവ്. എസ്.ഐ പി.പി. ജയരാജൻ പൂഴിത്തലയിലെ നകുലനെ മർദിച്ചതായ പരാതിയിലാണ് സി.ഐയുടെ നേതൃത്വത്തിൽ വീട്ടിൽ പരിശോധന നടത്തിയത്. സി.ഐക്കെതിരെ കേസെടുക്കാൻ മാഹി പൊലീസ് സൂപ്രണ്ടിനും പുതുച്ചേരി ഡി.ജി.പിക്കും കോടതി നിർദേശം നൽകി.