സെൻട്രൽ മാർക്കറ്റ്​ മത്സ്യക്കച്ചവടക്കാർക്ക്​ തുറന്നുനൽകണം ^സ്വതന്ത്ര മത്സ്യത്തൊഴിലാളി യൂനിയൻ

സെൻട്രൽ മാർക്കറ്റ് മത്സ്യക്കച്ചവടക്കാർക്ക് തുറന്നുനൽകണം -സ്വതന്ത്ര മത്സ്യത്തൊഴിലാളി യൂനിയൻ കണ്ണൂർ: സെൻട്രൽ മാർക്കറ്റ് ഉടൻ മത്സ്യക്കച്ചവടക്കാർക്ക് തുറന്നുനൽകണമെന്ന് സ്വതന്ത്ര മത്സ്യവിൽപന തൊഴിലാളി യൂനിയൻ ആവശ്യപ്പെട്ടു. ആറാട്ട് റോഡിലെ താൽക്കാലിക ഷെഡിൽ മത്സ്യവിൽപന നടത്തുന്നവർക്ക് ആശ്വാസമേകാനുള്ള തീരുമാനം കോർപറേഷൻ ഭരണാധികാരികൾ കൈക്കൊള്ളണമെന്നാണ് ആവശ്യം. മത്സ്യമാർക്കറ്റിൽ ലേലമില്ലാതെ ന്യായമായ വാടക നിശ്ചയിക്കണമെന്നും ആവശ്യപ്പെട്ടു. എസ്.ടി.യു ദേശീയ പ്രസിഡൻറ് എം.എ. കരീം, ടി.കെ. ആസാദ്, ഫാറൂഖ് ഹാജി, പി. മുഹമ്മദ് കലീൽ, വി.പി. ഹാരിസ്, കെ. സമീർ, കെ.പി.പി. അഹമ്മദ് കുഞ്ഞി, എം. മുസ്തഫ, കെ.എൻ. സിദ്ദിഖ്, നാസർ ബി. ഹാഷിം, വി.വി. മഹമൂദ് എന്നിവർ സംസാരിച്ചു.