വിമുക്തി വിളംബരറാലി

കോളയാട്: കോളയാട് ഗ്രാമപഞ്ചായത്ത്തല 'വിമുക്തി' മിഷ​െൻറ നേതൃത്വത്തിൽ ടൗണിൽ ലഹരിവിരുദ്ധ വിളംബരറാലി നടത്തി. കോളയാട് സ്റ്റേഡിയത്തിൽനിന്നാരംഭിച്ച റാലി വിമുക്തി ജില്ലതല കോ-ഓഡിനേറ്റർ കണ്ണൂർ ഡെപ്യൂട്ടി എക്സൈസ് കമീഷണർ വി.വി. സുരേന്ദ്രൻ ഫ്ലാഗ്ഓഫ്ചെയ്തു. തുടർന്ന് നടന്ന ലഹരിവിമുക്തി വിളംബരസമ്മേളനം കണ്ണൂർ ജില്ല പഞ്ചായത്ത് പ്രസിഡൻറും വിമുക്തി ജില്ലതല കമ്മിറ്റി ചെയർമാനുമായ കെ.വി. സുമേഷ് ഉദ്ഘാടനംചെയ്തു. ജില്ല പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ വി.കെ. സുരേഷ്ബാബു മുഖ്യപ്രഭാഷണം നടത്തി. സമ്മേളനത്തിൽ ലഹരിക്കെതിരെ പ്രതിജ്ഞയെടുത്തു. പഞ്ചായത്ത് പ്രസിഡൻറ് കെ.പി. സുരേഷ്കുമാർ അധ്യക്ഷത വഹിച്ചു.