സൗഹൃദ കൂട്ടായ്മയുടെ കനിവിൽ അനാഥ ബാലികമാർക്ക് തണലായി

കേളകം: മലയാംപടി ഉണ്ണീശോ പള്ളിക്കു സമീപം പരേതരായ ഗോപിയുടെയും ചന്ദ്രികയുടെയും മക്കൾക്കുവേണ്ടി കേളകം സൗഹൃദ കൂട്ടായ്മ നിർമിച്ച 'ഒരുമ' വീടി​െൻറ താക്കോൽ സണ്ണി ജോസഫ് എം.എൽ.എ കൈമാറി. ഗ്രൂപ് അഡ്മിൻ പി.ഡി. ഷാജി അധ്യക്ഷത വഹിച്ചു. കണിച്ചാർ ഗ്രാമപഞ്ചായത്ത് പ്രസിഡൻറ് സെലിൻ മാണി മുഖ്യാതിഥിയായി. വൈസ് പ്രസിഡൻറ് സ്റ്റാനി എടത്താഴെ, പഞ്ചായത്ത് സ്റ്റാൻഡിങ് കമ്മിറ്റി ചെയർമാന്മാരായ ബേബി ചിറക്കൽ, ഷാൻറി സെബാസ്റ്റ്യൻ, ബ്ലോക്ക് പഞ്ചായത്തംഗം വിജയൻ മനങ്ങാടൻ, പൈലി വാത്യാട്ട്, ഫാ. ജോസഫ് കുളത്തറ, ആൻറണി സെബാസ്റ്റ്യൻ, മാണി ചെമ്പരത്തിക്കൽ, സി.വി. ധനേഷ് എന്നിവർ സംസാരിച്ചു.