തളിപ്പറമ്പ് പുഷ്​പോത്സവം ഇന്ന് തുടങ്ങും

തളിപ്പറമ്പ്: തളിപ്പറമ്പ് അഗ്രി ഹോർട്ടികൾച്ചർ സൊസൈറ്റി സംഘടിപ്പിക്കുന്ന തളിപ്പറമ്പ് പുഷ്‌പോത്സവം ഇന്നുമുതൽ 16 വരെ ചിറവക്കിൽ നടക്കുമെന്ന് സംഘാടകർ വാർത്ത സമ്മേളനത്തിൽ അറിയിച്ചു. അഞ്ചിന് വൈകീട്ട് ആറിന് ജില്ലപഞ്ചായത്ത് പ്രസിഡൻറ് കെ.വി. സുമേഷ് ഉദ്‌ഘാടനംചെയ്യും. തുടർന്ന് നൃത്തസന്ധ്യ അരങ്ങേറും. പുഷ്പോത്സവത്തി​െൻറ ഭാഗമായി എല്ലാ ദിവസവും രാത്രി ഏഴിന് കലാപരിപാടികൾ അരങ്ങേറും. 14ന് വൈകീട്ട് മൂന്നിന് മൈലാഞ്ചിയിടൽ മത്സരം നടക്കും. 16ന് സമാപനസമ്മേളനം െജയിംസ് മാത്യു എം.എൽ.എ ഉദ്‌ഘാടനംചെയ്യുമെന്നും വി. നാരായണൻ, ഇ.ആർ. ശശിധരൻ, ഒ. സുരേഷ്ബാബു എന്നിവർ അറിയിച്ചു.