മാഹി നാടകപ്പുരയുടെ 'ബായേൻ' ദേശീയതലത്തിലേക്ക്

ചൊക്ലി: സംസ്ഥാന കേരളോത്സവത്തിൽ വിജയിച്ച മാഹി നാടകപ്പുരയുടെ ഹിന്ദി നാടകം 'ബായേൻ' ദേശീയ യുവജനോത്സവത്തിലേക്ക് തെരഞ്ഞെടുക്കപ്പെട്ടു. ജനുവരി 12 മുതൽ 16 വരെയായി രാജസ്ഥാനിലെ ജയ്പൂരിലാണ് ഉത്സവം. സുരേഷ് ബാബു ശ്രീസ്ഥ രചനയും പ്രേമൻ മുചുകുന്ന് സംവിധാനവും നിർവഹിച്ച നാടകം പാലക്കാട്ട് നടന്ന സംസ്ഥാന മത്സരത്തിലാണ് ദേശീയതലത്തിലേക്ക് യോഗ്യത നേടിയത്. മികച്ച നടിയായി മാഹി നാടകപ്പുരയിലെ നിഹാരിക എസ്. മോഹനെയും തെരഞ്ഞെടുത്തിരുന്നു. പതിമൂന്ന് തവണ ദേശീയ യുവജനോത്സവത്തിൽ മാഹി നാടകപ്പുര നാടകം അവതരിപ്പിച്ചിരുന്നു. നാലുതവണ ഒന്നാം സ്ഥാനവും ലഭിച്ചിട്ടുണ്ട്.