അമ്പായത്തോട് ദേവാലയത്തിൽ തിരുനാളിന് കൊടിയേറി

കേളകം: അമ്പായത്തോട് സ​െൻറ് ജോർജ് ദേവാലയത്തിൽ തിരുനാൾ ആഘോഷങ്ങൾക്ക് തുടക്കമായി. തിരുനാൾ ആഘോഷ പരിപാടികൾക്ക് തുടക്കമിട്ട് പള്ളി വികാരി ഫാ. സണ്ണി കൊല്ലാറുതോട്ടം കൊടിയേറ്റ് നടത്തി. തുടർന്ന് കുർബാനയും വർഷാവസാന പ്രാർഥനയും നടത്തി. തിങ്കളാഴ്ച തിരുപ്പട്ട സ്വീകരണത്തിന് ബക്സർ രൂപത മെത്രാൻ ഡോ. സെബാസ്റ്റ്യൻ കല്ലുപുരക്കകത്ത് മുഖ്യകാർമികത്വം വഹിക്കും. ആഘോഷങ്ങളുടെ ഭാഗമായി സംഘടന ദിനാചരണം, തലമുറകളുടെ സംഗമം, യുവജന കൂട്ടായ്മ, പ്രവാസി കുടുംബ സംഗമം, വർണരഥ പ്രദക്ഷിണം എന്നിവ നടക്കും. ജനുവരി ഏഴിന് സ്നേഹവിരുന്നോടെ തിരുനാൾ ആഘോഷത്തിന് സമാപനം.