എസ്.എഫ്.ഐ ഏരിയ സമ്മേളനം

ചൊക്ലി: പാനൂർ ഏരിയയിൽ പ്രഫഷനൽ കോളജ് അനുവദിക്കാൻ സർക്കാർ തയാറാവണമെന്ന് എസ്.എഫ്.ഐ പാനൂർ ഏരിയ സമ്മേളനം ആവശ്യപ്പെട്ടു. മുൻ ജില്ല പ്രസിഡൻറ് ബി. ഷംസുദ്ദീൻ ഉദ്ഘാടനം ചെയ്തു. മുഹമ്മദ് ഫാസിൽ സംഘടന റിപ്പോർട്ടും എ.പി. നിവേക് പ്രവർത്തന റിപ്പോർട്ടും അവതരിപ്പിച്ചു. ജില്ല ജോ. സെക്രട്ടറി കിരൺ കരുണാകരൻ, എസ്.കെ. അർജുൻ, എൻ.കെ. ജിഷ്ണു എന്നിവർ സംസാരിച്ചു. സംഘാടകസമിതി കൺവീനർ വൈ. ചിത്രൻ സ്വാഗതം പറഞ്ഞു. ഭാരവാഹികൾ: എ.പി. നിവേക് (സെക്ര), പി.പി. അബരീഷ്, ജസ്വിൻറാം, പി.പി. ശബ്നം (ജോ. സെക്ര), അക്ഷയ് പാലക്കൂൽ (പ്രസി), എം.സി. നിഖിൽ, സ്നേഹ മോഹൻ, അമൽരാജ് (വൈസ് പ്രസി).