സി.ബി.​െഎ അന്വേഷണം അടിയന്തരമായി പ്രഖ്യാപിക്കണം ^എ.കെ. ആൻറണി

സി.ബി.െഎ അന്വേഷണം അടിയന്തരമായി പ്രഖ്യാപിക്കണം -എ.കെ. ആൻറണി കണ്ണൂർ: പരസ്യമായി പ്രഖ്യാപിച്ച സി.ബി.െഎ അന്വേഷണത്തിന് സർക്കാർ ഉടൻ ഉത്തരവിടണമെന്ന് കോൺഗ്രസ് പ്രവർത്തകസമിതി അംഗം എ.കെ. ആൻറണി ആവശ്യപ്പെട്ടു. കെ. സുധാകര​െൻറ സമരപ്പന്തലിലെ പ്രവർത്തകരുമായി ഡൽഹിയിൽനിന്ന് വിഡിയോ കോൺഫറൻസിലൂടെ സംസാരിക്കുകയായിരുന്നു അദ്ദേഹം. കെ. സുധാകര​െൻറ സമരം നീട്ടിക്കൊണ്ടുപോയി പരാജയപ്പെടുത്താമെന്നാണ് സർക്കാർ കരുതുന്നതെങ്കിൽ അത് വെറും വ്യാമോഹമാണ്. സമാനതകളിലാത്ത പൈശാചികമായ കൊലപാതകമാണ് ഷുഹൈബിേൻറത്. ടി.പി. ചന്ദ്രശേഖര‍​െൻറ കൊലപാതകത്തോട് സാമ്യമുള്ളതാണ് ഷുഹൈബി​െൻറ കൊലയും. ഷുഹൈബ് കൊല്ലപ്പെട്ട് 12 ദിവസമായിട്ടും സംഭവത്തിനു പിന്നിലെ ബുദ്ധികേന്ദ്രം കണ്ടെത്താൻ കഴിഞ്ഞിട്ടില്ല. കൊന്നവരെ മാത്രമല്ല, കൊല്ലിച്ചവരെയും കണ്ടെത്തി നിയമത്തിന് മുന്നിൽ എത്തിക്കുകയും വേണം. ഇതിന് നിഷ്പക്ഷമായ അന്വേഷണം വേണം. കേരളചരിത്രത്തിൽ ഒരു സമരങ്ങൾക്കും കിട്ടാത്ത പിന്തുണയാണ് കെ. സുധാകര​െൻറ സമരത്തിന് ലഭിക്കുന്നത്. കേരളം ഒന്നടങ്കം ഇൗ കൊലപാതകത്തെ അപലപിച്ചിട്ടുണ്ട്. കേരളത്തിൽ അക്രമരാഷ്ട്രീയത്തിനെതിരെ കെ. സുധാകരൻ നടത്തുന്ന സമരം പുതിയ ആവേശം ഉണ്ടാക്കിയിട്ടുണ്ട്. കമ്യൂണിസ്റ്റ് അനുഭാവികളിൽപോലും കൊലപാതകത്തിനെതിരെയുള്ള വികാരം സൃഷ്ടിച്ചിട്ടുണ്ട്. ഷുഹൈബ് വധം കേരളത്തിലെ അവസാനത്തെ രാഷ്ട്രീയ കൊലപാതകമായിരിക്കണമെന്നും അദ്ദേഹം പറഞ്ഞു.