മദ്യക്കടത്ത്​: തടവും പിഴയും

കണ്ണൂർ: മദ്യം വിൽപന നടത്തിയ കേസിൽ പ്രതിക്ക് തടവും പിഴയും. തിമിരിയിലെ കെ. സന്തോഷിനെയാണ് (26) ഒരു വർഷം തടവിനും ലക്ഷം രൂപ പിഴയടക്കാനും കണ്ണൂർ സബ് കോടതി ശിക്ഷിച്ചത്. പിഴ അടച്ചില്ലെങ്കിൽ രണ്ടു മാസം കൂടി അധിക തടവ് അനുഭവിക്കണം. 2016 ഫെബ്രുവരി അഞ്ചിനാണ് കേസിനാസ്പദമായ സംഭവം. മാഹിയിൽനിന്ന് ആറ് ലിറ്റർ വിദേശമദ്യം കൊണ്ടുവന്ന് കണ്ണൂരിൽ വിൽപന നടത്തവേ എക്സൈസ് പിടികൂടിയെന്നാണ് കേസ്.