തളങ്കരയിൽ യുവാവിനെ കുത്തിക്കൊന്ന കേസ്​: പ്രതികൾ കുറ്റക്കാർ

കാസർകോട്: യുവാവിനെ കുത്തിക്കൊന്ന കേസിൽ പ്രതികളെ കോടതി കുറ്റക്കാരെന്ന് കണ്ടെത്തി. തളങ്കര ഖാസിലൈൻ ബിഫാത്തിമ മൻസിലിലെ അബൂബക്കറി​െൻറ മകൻ കെ.എ. ബഷീറിനെ (22) കൊലപ്പെടുത്തിയ കേസിൽ ഖാസിലൈനിലെ പി.എ. റിയാസ് (28), തളങ്കര വെസ്റ്റിലെ പി.എ. ബാദുഷ (22), തളങ്കര വില്ലേജ് ഒാഫിസിന് സമീപത്തെ ജാസിർ (23) എന്നിവരെയാണ് ജില്ല സെഷൻസ് കോടതി (രണ്ട്) കുറ്റക്കാരെന്ന് കണ്ടെത്തിയത്. െഫബ്രുവരി 24ന് ശിക്ഷ വിധിക്കും. 2012 ഫെബ്രുവരി 23ന് രാത്രി മാലിക് ദിനാർ മൈതാനത്ത് വാക്തർക്കത്തിൽ കുത്തേറ്റ ബഷീർ ചികിത്സക്കിടെ ഏപ്രിൽ അഞ്ചിനാണ് മരിച്ചത്. ബൈക്കി​െൻറ താക്കോൽ ആവശ്യപ്പെട്ടപ്പോൾ എറിഞ്ഞുകൊടുത്തത് പ്രതികളിലൊരാളുടെ മുഖത്ത് കൊണ്ടതിനെച്ചൊല്ലിയുണ്ടായ വിരോധത്തിൽ പൊട്ടിച്ച സോഡാക്കുപ്പിയും കത്തിയും ഉപയോഗിച്ച് കുത്തിയെന്നാണ് കേസ്.