പാലുൽ​പന്ന നിർമാണ പരിശീലനം

കണ്ണൂർ: ക്ഷീര വികസന വകുപ്പി​െൻറ ബേപ്പൂർ നടുവട്ടം പരിശീലന കേന്ദ്രത്തിൽ സംരംഭകർക്കും ക്ഷീരസംഘങ്ങൾക്കും ക്ഷീര കർഷകർക്കുമായി 10 ദിവസത്തെ പാലുൽപന്ന നിർമാണ പരിശീലനം നൽകും. ഫെബ്രുവരി 26 മുതൽ മാർച്ച് എട്ടുവരെയാണ് പരിശീലനം. പാൽ പേഡ, ബർഫി, മിൽക്ക് ചോക്ലേറ്റ്, പനീർ, തൈര്, ഐസ്‌ക്രീം, ഗുലാബ് ജാമുൻ തുടങ്ങി ഇരുപത്തഞ്ചോളം നാടൻ പാലുൽപന്നങ്ങളുടെ നിർമാണം പരിശീലനത്തിൽ ഉൾപ്പെടുത്തിയിട്ടുണ്ട്. താൽപര്യമുള്ളവർ 26ന് രാവിലെ 10നകം ഫോട്ടോ പതിച്ച തിരിച്ചറിയൽ കാർഡി​െൻറ പകർപ്പു സഹിതം കോഴിക്കോട് ക്ഷീര പരിശീലന കേന്ദ്രത്തിൽ എത്തണം. രജിസ്‌ട്രേഷൻ ഫീസായി 115 രൂപ അടക്കണം. ഫോൺ: 0495 2414579. കാട വളർത്തൽ പരിശീലനം കണ്ണൂർ: ജില്ല മൃഗാശുപത്രി കോമ്പൗണ്ടിലെ മൃഗസംരക്ഷണ പരിശീലന കേന്ദ്രത്തിൽ ഫെബ്രുവരി 24ന് കാട വളർത്തലിൽ പരിശീലനം നൽകും. പങ്കെടുക്കാൻ താൽപര്യമുള്ളവർ 22ന് രാവിലെ 10 മുതൽ പരിശീലന കേന്ദ്രത്തിൽ പേര് രജിസ്റ്റർ ചെയ്യണം. ആദ്യം രജിസ്റ്റർ ചെയ്യുന്ന 50 പേർക്കാണ് പ്രവേശനം.