ജാമിഅ ഇർഫാനിയ്യ സനദ്​ ദാന സമ്മേളനം ഇന്ന്​ തുടങ്ങും

കണ്ണൂർ: ചപ്പാരപ്പടവ് ജാമിഅ ഇർഫാനിയ്യ അറബിക് കോളജ് സനദ് ദാന സമ്മേളനം ഇന്ന് തുടങ്ങുമെന്ന് സംഘാടകർ വാർത്തസമ്മേളനത്തിൽ അറിയിച്ചു. ഖിള്രിയ്യ നഗറിൽ വൈകീട്ട് 7.30ന് ആത്മീയ മജ്ലിസ് നടക്കും. ഗൾഫ് രാജ്യങ്ങൾ, കർണാടക, ലക്ഷദ്വീപ് എന്നിവിടങ്ങളിൽനിന്നും സംസ്ഥാനത്തെ വിവിധ ഭാഗങ്ങളിൽനിന്നും പ്രമുഖ പണ്ഡിതരും സൂഫിവര്യരും പെങ്കടുക്കും. 23ന് വൈകീട്ട് നാലിന് സമ്മേളനം പാണക്കാട് സ്വാദിഖ് അലി ശിഹാബ് തങ്ങൾ ഉദ്ഘാടനംചെയ്യും. 24ന് രാവിലെ 9.30ന് തസവ്വുഫ് സെഷൻ ചേലക്കാട് മുഹമ്മദ് മുസ്ലിയാർ ഉദ്ഘാടനംചെയ്യും. ഉച്ച രണ്ടിന് ആയിരത്തോളം മഹല്ല് പ്രതിനിധികൾ പെങ്കടുക്കുന്ന ഉലമ ഉമറ സംഗമം ജില്ല സംയുക്ത ജമാഅത്ത് സെക്രട്ടറി അബ്ദുറഹ്മാൻ കല്ലായി ഉദ്ഘാടനംചെയ്യും. 25ന് രാവിലെ 10ന് പ്രവാസി സംഗമം. വൈകീട്ട് നാലിന് സമാപനസമ്മേളനം സമസ്ത പ്രസിഡൻറ് ജിഫ്രി മുത്തുകോയ തങ്ങൾ ഉദ്ഘാടനം ചെയ്യും. സനദ് ദാനവും നസ്വീഹത്തും പ്രിൻസിപ്പൽ ചപ്പാരപ്പടവ് വി. മുഹമ്മദ് മുസ്ലിയാർ നിർവഹിക്കും. 10ന് ദുആ മജ്ലിസോടെ സമാപിക്കും. വാർത്തസമ്മേളനത്തിൽ എം.പി. അബ്ദുല്ല ഫൈസി, പി.എം. ഇബ്രാഹിംകുട്ടി, പി.കെ. മുഹമ്മദ് ഹാജി, എം. ഹസൈനാർ ഹാജി, മുഹമ്മദ് ഹാജി എന്നിവർ പെങ്കടുത്തു.