കോറോം അരുണ ആർട്​സ്​ ക്ലബ്​ സുവർണജൂബിലി ആഘോഷിക്കുന്നു

പയ്യന്നൂർ: കോറോം അരുണ ആർട്സ് ക്ലബ് വിവിധ പരിപാടികളോടെ ഈ വർഷം സുവർണജൂബിലി ആഘോഷിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. ഒരുവർഷം നീളുന്ന ആഘോഷ പരിപാടി സംഘടിപ്പിക്കും. 42 വർഷങ്ങൾക്കുമുമ്പ് ജില്ലയിലെ വിവിധ വേദികളിൽ അവതരിപ്പിച്ച നാടകം 'പുത്രകാമേഷ്ടി' അന്നത്തെ കലാകാരന്മാരെ വച്ച് വീണ്ടും അരങ്ങിലെത്തിക്കുന്നുണ്ട്. സുവർണ ജൂബിലി ആഘോഷത്തി​െൻറ ഭാഗമായി ഫെബ്രുവരി 25ന് കോറോം രക്തസാക്ഷി നഗറിൽ നാടകം അരങ്ങേറും. 1968ൽ രൂപവത്കരിക്കപ്പെട്ട അരുണ ക്ലബ് കെ.ടി. മുഹമ്മദി​െൻറ 'താക്കോലുകൾ' എന്ന നാടകം അവതരിപ്പിച്ചുകൊണ്ടാണ് ഈ രംഗത്തേക്ക് കടന്നുവന്നത്. പിന്നീട് വർഷത്തിൽ ഒന്ന് എന്ന കണക്കിൽ 1990വരെയുള്ള കാലഘട്ടത്തിൽ നിരവധി നാടകങ്ങൾ അരങ്ങിലെത്തിച്ചു. ക്ലബിന് സ്വന്തമായി 25 സ​െൻറ് സ്ഥലവും സ്വന്തമായി കെട്ടിടവും വില്ലേജ് ഓഫിസിന് സമീപത്തുണ്ട്. ഹെൽത്ത് സ​െൻററിന് മൂന്നു സ​െൻറ് സ്ഥലവും നഗരസഭ സാംസ്കാരിക നിലയത്തിന് 10 സ​െൻറ് സ്ഥലവും ക്ലബ് സൗജന്യമായി നൽകി. ദേവീസഹായം യു.പി സ്കൂൾ, കോറോം ഗവ. ഹൈസ്കൂൾ എന്നീ വിദ്യാലയങ്ങളിലെ വിദ്യാർഥികൾക്ക് എൻഡോവ്മ​െൻറും കാഷ് അവാർഡുകളും നൽകിവരുന്നു. വാർത്തസമ്മേളനത്തിൽ എൻ.വി. കുഞ്ഞിരാമൻ, ബി.പി. തമ്പാൻ, കേബീയാർ കണ്ണൻ, ടി.വി. രവീന്ദ്രൻ, ബാലകൃഷ്ണൻ എന്നിവർ പങ്കെടുത്തു.