ഫുട്​ബാൾ ലീഗ്​ ചാമ്പ്യൻഷിപ്​: ലക്കി ബോയ്​സ്​ കണ്ണൂർ ജേതാക്കൾ

കണ്ണൂർ: ജില്ല ഫസ്റ്റ് ഡിവിഷൻ ഫുട്ബാൾ ലീഗ് ചാമ്പ്യൻഷിപ് ആദ്യമത്സരത്തിൽ ഏകപക്ഷീയമായ രണ്ടു ഗോളുകൾക്ക് ലക്കി ബോയ്സ് കണ്ണൂർ, പയ്യന്നൂർ ടൗൺ സ്പോർട്സ് ക്ലബിനെ പരാജയപ്പെടുത്തി. കാഞ്ഞിരോട് ജനത സ്പോർട്സ് ക്ലബും റൈസിങ് സ്റ്റാർ സ്പോർട്സ് ക്ലബും ഏറ്റുമുട്ടിയ രണ്ടാമത്തെ മത്സരത്തിൽ ഇരുടീമുകളും ഒാരോ ഗോൾ വീതം നേടി സമനിലയിൽ പിരിഞ്ഞു. വ്യാഴാഴ്ച വൈകീട്ട് മൂന്നിന് കെ.എ.പി നാലാം ബറ്റാലിയൻ ലക്കി സ്റാർ കണ്ണൂരിനെയും 4.30ന് ജൂനിയർ ജിംഖാന ജൂനിയർ ലക്കി സ്റ്റാറിനെയും നേരിടും.