സമരം പിൻവലിച്ചിട്ടും സ്വകാര്യബസുകൾ നിരത്തിലിറങ്ങിയില്ല

ഉരുവച്ചാൽ: സമരം പിൻവലിച്ചിട്ടും സ്വകാര്യബസുകൾ നിരത്തിലിറങ്ങാത്തത് അഞ്ചാം ദിവസവും യാത്ര ദുരിതത്തിലാക്കി. ഇന്നലെ രാവിലെ 10 മണിയോടെ ബസ്സമരം പിൻവലിച്ച വിവരം അറിഞ്ഞിട്ടും ഉൾപ്രദേശങ്ങളിലെ ബസുകൾ സർവിസ് നടത്താൻ തയാറായില്ല. സമരം പിൻവലിച്ചതറിഞ് സർവിസ് നടത്തിയ സ്വകാര്യവാഹനങ്ങളും പിൻവലിഞ്ഞതോടെ യാത്രാദുരിതം ഇരട്ടിയായി. ഉരുവച്ചാലിൽനിന്ന് ശിവപുരം, തില്ലങ്കേരി, കാക്കയങ്ങാട്, മാലൂർ, പേരാവൂർ എന്നിവിടങ്ങളിലേക്കുള്ള യാത്രക്കാരാണ് വാഹനമില്ലാതെ ഇന്നലെ വട്ടം കറങ്ങിയത്. സമരം പിൻവലിച്ചതറിഞ്ഞതോടെ കൂത്തുപറമ്പ്- മട്ടന്നൂർ റൂട്ടിൽ ചില സ്വകാര്യബസുകൾ സർവിസ് നടത്തിയിരുന്നു.