മാഹിയിൽ ഇന്ന്​ വ്യാപാരബന്ദ്

മാഹി: മാഹി ഉൾെപ്പടെ പുതുച്ചേരിയിൽ െചാവ്വാഴ്ച വിവിധ ആവശ്യങ്ങളുയർത്തി വ്യാപാരബന്ദ് നടത്തുന്നു. ഇതിന് മുന്നോടിയായി വ്യാപാരികൾ മാഹി സിവിൽ സ്റ്റേഷന് മുന്നിൽ ധർണ നടത്തി. കെട്ടിട-തൊഴിൽനികുതി വർധന, നഗരസഭ വ്യാപാര ലൈസൻസ് വർധന എന്നിവ പിൻവലിക്കണമെന്ന് ധർണ ഉദ്ഘാടനം ചെയ്ത് മാഹി മേഖലാ വ്യാപാരി വ്യവസായി ഏകോപനസമിതി ചെയർമാൻ കെ.കെ. അനിൽകുമാർ ആവശ്യപ്പെട്ടു. മാലിന്യനിർമാർജനത്തി​െൻറ പേരിൽ നഗരസഭ ഏർപ്പെടുത്തിയ നികുതിയും പൊതുമരാമത്ത് വകുപ്പി​െൻറ വെള്ളക്കര വർധനവും പിൻവലിക്കണമെന്നും അദ്ദേഹം ആവശ്യപ്പെട്ടു. ഷാജി പിണക്കാട്ട് അധ്യക്ഷത വഹിച്ചു. എം. മുഹമ്മദ് യൂനിസ്, പയറ്റ അരവിന്ദൻ, കെ.കെ. ശ്രീജിത്ത്, ടി.എം. സുധാകരൻ, കെ.പി. അനൂപ്കുമാർ, കെ. ഭരതൻ എന്നിവർ സംസാരിച്ചു. എ.വി. യൂസഫ്, കെ. മുനീർ, ഒ.സി. വിനോദ്, എം.ടി.സി. സിദ്ദീഖ് എന്നിവർ നേതൃത്വം നൽകി.