ഹോട്ടലുകളിൽ ആരോഗ്യ വകുപ്പ്​ പരിശോധന

കേളകം: ഹെൽത്ത് കേരള കാമ്പയി​െൻറ ഭാഗമായി കൊട്ടിയൂർ- നീണ്ടുനോക്കി ടൗൺ പരിസരങ്ങളിലെ ഹോട്ടലുകൾ, ബേക്കറികൾ, വ്യാപാര സ്ഥാപനങ്ങളിൽ കൊട്ടിയൂർ ആരോഗ്യ വകുപ്പി​െൻറ നേതൃത്വത്തിൽ പരിശോധന നടത്തി. വൃത്തിഹീനമായ സാഹചര്യം കണ്ടെത്തിയ മൂന്നു ഹോട്ടലുകൾക്ക് നോട്ടീസ് നൽകി. ചില ഹോട്ടൽ, ബേക്കറി ഉടമകൾക്ക് നിർദേശങ്ങൾ നൽകുകയും അനുസരിക്കാത്തവർക്കെതിരെ നിയമനടപടികൾ സ്വീകരിക്കുമെന്നും അധികൃതർ വ്യക്തമാക്കി. ഹെൽത്ത് ഇൻസ്‌പെക്ടർ എൻ. തങ്കൻ, ജൂനിയർ ഹെൽത്ത് ഇൻസ്‌പെക്ടർമാരായ ടി.എ ജെയ്‌സൺ, കെ.എം. ഷാജി, എ. ഹാഷിം, ടി.എ. ഷാഹിന തുടങ്ങിയവർ പരിശോധനയിൽ പങ്കെടുത്തു.