ഐഡിയൽ ഇംഗ്ലീഷ് സ്കൂൾ സിൽവർ ജൂബിലി ആഘോഷം

തലശ്ശേരി: പുന്നോൽ ഐഡിയൽ എജുക്കേഷനൽ ആൻഡ്‌ ചാരിറ്റബിൾ ഫൗണ്ടേഷൻ ട്രസ്റ്റിന് കീഴിൽ പ്രവർത്തിച്ചുവരുന്ന ഐഡിയൽ ഇംഗ്ലീഷ് സ്കൂൾ സിൽവർ ജൂബിലി ആഘോഷം കേരള ഫോക്‌ലോർ അക്കാദമി വൈസ് ചെയർമാൻ എരഞ്ഞോളി മൂസ ഉദ്ഘാടനം ചെയ്തു. തണൽ ഫൗണ്ടേഷൻ ചെയർമാൻ പി.എം. അബ്ദുന്നാസിർ അധ്യക്ഷത വഹിച്ചു. ജമാഅത്തെ ഇസ്ലാമി ജില്ല പ്രസിഡൻറ് യു.പി. സിദ്ദീഖ് മാസ്റ്റർ മുഖ്യപ്രഭാഷണം നടത്തി. സംസ്ഥാന സ്കൂൾ യുവജനോത്സവത്തിൽ എ പ്ലസ് നേടിയ നൂറ മൈസൂണിന് തണൽ അവാർഡ് എരഞ്ഞോളി മൂസ സമ്മാനിച്ചു. സ്കൂളിലെ മികച്ച വിദ്യാർഥികൾക്കുള്ള അവാർഡുകൾ പി.ടി.എ പ്രസിഡൻറ് പി. നൗഷാദ് വിതരണം ചെയ്തു. പി.സി.എം പരീക്ഷയിൽ മികച്ച വിജയം നേടിയ വിദ്യാർഥികൾക്കുള്ള അവാർഡുകൾ യു.പി. സിദ്ദീഖ് മാസ്റ്റർ സമ്മാനിച്ചു. എരഞ്ഞോളി മൂസക്കുള്ള ഉപഹാരം ബൈത്തുസകാത് കമ്മിറ്റി പ്രസിഡൻറ് എം. അബൂട്ടി നൽകി. തണൽ അവാർഡ് തണൽ സെക്രട്ടറി ഇ.കെ. യൂസുഫ് വിതരണം ചെയ്തു. ഐഡിയൽ ട്രസ്റ്റ് സെക്രട്ടറി സി.പി. അഷ്‌റഫ്‌ സ്വാഗതവും പ്രിൻസിപ്പൽ ശ്രീജ നന്ദിയും പറഞ്ഞു.