സർവകലാശാല യൂനിയൻ കലോത്സവം: സംഘാടകസമിതി ഒാഫിസ്​ ഉദ്​ഘാടനം

കണ്ണൂർ: കണ്ണൂർ സർവകലാശാല യൂനിയൻ കലോത്സവം സംഘാടക സമിതി ഓഫിസ് ജില്ല പഞ്ചായത്ത് പ്രസിഡൻറ് കെ.വി. സുമേഷ് ഉദ്ഘാടനം ചെയ്തു. സർവകലാശാല യൂനിയൻ ചെയർമാൻ സി.പി. ഷിജു അധ്യക്ഷത വഹിച്ചു. കോളജ് പ്രിൻസിപ്പൽ ഡോ. ശിവദാസൻ തിരുമംഗലത്ത്, പ്രോഗ്രാം കമ്മിറ്റി കൺവീനർ ഡോ. അജയകുമാർ, സംഘാടകസമിതി കൺവീനർ മുഹമ്മദ് സിറാജ് എന്നിവർ സംസാരിച്ചു. യൂനിയൻ ജോയൻറ് സെക്രട്ടറി ബിപിൻ രാജ് സ്വാഗതവും യൂനിയൻ ലേഡി വൈസ് ചെയർമാൻ അനുശ്രീ നന്ദിയും പറഞ്ഞു. ഫെബ്രുവരി 28 മുതൽ മാർച്ച് നാലുവരെ തോട്ടട എസ്.എൻ കോളജിൽ വെച്ചാണ് സർവകലാശാല യൂനിയൻ കലോത്സവം.