അതിവേഗത്തിൽ ബുക്ക്​ലെറ്റുകൾ എണ്ണാം; യന്ത്രം റെഡി

ശ്രീകണ്ഠപുരം: ബുക്ക്ലെറ്റുകൾ അതിവേഗം എണ്ണാൻ കഴിയുന്ന യന്ത്രമൊരുക്കി യുവ എൻജിനീയർമാർ. ചെമ്പേരി വിമൽജ്യോതി എൻജിനീയറിങ് കോളജ് അവസാനവർഷ മെക്കാനിക്കൽ എൻജിനീയറിങ് വിദ്യാർഥികളാണ് പുസ്തകങ്ങൾ വളരെവേഗം എണ്ണിത്തിട്ടപ്പെടുത്തുന്നതിനുള്ള ഉപകരണം നിർമിച്ചത്. വിദ്യാഭ്യാസ സ്ഥാപനങ്ങൾ, ഡിപ്പാർട്മ​െൻറൽ സ്റ്റോർ, പരീക്ഷാ കേന്ദ്രങ്ങൾ, പ്രസുകൾ എന്നിവിടങ്ങളിൽ ഉപകാരപ്രദമാകുംവിധം മിനിറ്റിൽ 75 ബുക്ക്ലെറ്റ് വരെ എണ്ണാവുന്നതാണ് ഉപകരണം. അമൽ മോഹൻ, എം.പി. അഭിജിത്ത്, പി. ആദിത്യൻ, ഹൈഷേക് ഹേമേഷ്, അമൽ സനാതനൻ എന്നിവർ ചേർന്നാണ് ഉപകരണം വികസിപ്പിച്ചത്. ഡോ. പി. ശ്രീധരനാണ് വിദ്യാർഥികൾക്ക് മാർഗനിർദേശം നൽകിയത്.