യു.ഡി.എഫ്​ പ്രതിഷേധ പ്രകടനം

തലശ്ശേരി: മട്ടന്നൂർ എടയന്നൂരിനടുത്ത തെരൂരിൽ യൂത്ത് കോൺഗ്രസ് നേതാവ് എടയന്നൂർ സ്കൂൾ പറമ്പത്ത് ഹൗസിൽ ഷുഹൈബിനെ വെട്ടിക്കൊലപ്പെടുത്തിയതിൽ പ്രതിഷേധിച്ച് തലശ്ശേരിയിൽ യു.ഡി.എഫ് പ്രവർത്തകർ പ്രകടനം നടത്തി. എം.എം റോഡ് എൽ.എസ് പ്രഭുമന്ദിരം പരിസരത്തുനിന്നാരംഭിച്ച പ്രകടനം ഒ.വി േറാഡ്, പഴയ ബസ്സ്റ്റാൻഡ്, ലോഗൻസ് േറാഡ് വഴി എം.എം റോഡിൽ സമാപിച്ചു. യു.ഡി.എഫ് നേതാക്കളായ സജ്ജീവ് മാറോളി, എം.പി. അരവിന്ദാക്ഷൻ, വി.കെ. ഹുസൈൻ, കെ. ശിവദാസൻ, എം.പി. അസൈനാർ, വി.എൻ. ജയരാജ്, തഫ്ലീം മാണിയാട്ട്, സുശീൽ ചന്ത്രോത്ത്, മുനവർ അഹമ്മദ് എന്നിവർ നേതൃത്വം നൽകി.