അക്കാദമിക മാസ്​റ്റർപ്ലാൻ സമർപ്പണം

മയ്യിൽ: കണ്ണാടിപ്പറമ്പ് എൽ.പി സ്കൂളിൽ അക്കാദമിക മാസ്റ്റർപ്ലാൻ പ്രകാശനം ചെയ്തു. നാറാത്ത് പഞ്ചായത്ത് വൈസ് പ്രസിഡൻറ് കാണി കൃഷ്ണൻ ഉദ്ഘാടനം ചെയ്തു. പി.ടി.എ പ്രസിഡൻറ് എം. പ്രസാദ് അധ്യക്ഷത വഹിച്ചു. പ്രധാനാധ്യാപിക പി. ശോഭ അക്കാദമിക മാസ്റ്റർ പ്ലാൻ അവതരിപ്പിച്ചു. നരിക്കാടൻ അജിതയും ഏറൻ ബാബുവും ചേർന്ന് അക്കാദമിക മാസ്റ്റർപ്ലാൻ കാണി കൃഷ്ണനിൽനിന്ന് ഏറ്റുവാങ്ങി. പി. ശോഭ സ്വാഗതം പറഞ്ഞു. അധ്യാപിക രമ്യ രക്ഷാകർതൃ ബോധവത്കരണ ക്ലാസ് നടത്തി. സ്റ്റാഫ് സെക്രട്ടറി സി. ജമീല നന്ദി പറഞ്ഞു. വളപട്ടണം: സി.എച്ച്. മുഹമ്മദ് കോയ സ്മാരക ഗവ. ഹയർ സെക്കൻഡറി സ്കൂളിലെ അക്കാദമിക മാസ്റ്റർപ്ലാൻ കെ.എം. ഷാജി എം.എൽ.എ പ്രകാശനം ചെയ്തു. ജില്ല പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ.പി. ജയപാലൻ അധ്യക്ഷത വഹിച്ചു. സീനിയർ അസി. പി. മുഹമ്മദലി അക്കാദമിക മാസ്റ്റർപ്ലാൻ വിശദീകരിച്ചു. പഞ്ചായത്ത് പ്രസിഡൻറ് ലളിത ദേവി, ടി.പി. മുഹമ്മദ് അശ്റഫ്, പി.പി. ഷമീമ, കെ.എം. നിസാർ, പി.ടി.എ പ്രസിഡൻറ് സി.വി. നൗഷാദ്, പ്രധാനാധ്യാപിക ശോഭ എന്നിവർ സംസാരിച്ചു.