ഭിക്ഷാടന മാഫിയക്കെതിരെ നടപടി വേണം ^എസ്.കെ.എസ്.ബി.വി

ഭിക്ഷാടന മാഫിയക്കെതിരെ നടപടി വേണം -എസ്.കെ.എസ്.ബി.വി പയ്യന്നൂർ: ഭിക്ഷാടന മാഫിയക്കെതിരെ നടപടി വേണമെന്ന് സമസ്ത കേരള സുന്നി ബാലവേദി പയ്യന്നൂർ റേഞ്ച് സിൽവർ ജൂബിലി കൺവെൻഷൻ അഭിപ്രായപ്പെട്ടു. കുട്ടികളെ ഭിക്ഷാടനത്തിനായി ഉപയോഗിക്കുന്നുവെന്ന റിപ്പോർട്ടുകൾ ഞെട്ടലുളവാക്കുന്നതാണ്. ഇത്തരം സാമൂഹിക വിപത്തിനെതിരെ കർശന നടപടി കൈക്കൊള്ളണം. റേഞ്ച് ജംഇയ്യതുൽ മുഅല്ലിമീൻ ജനറൽ സെക്രട്ടറി ബഷീർ ദാരിമി എട്ടിക്കുളം ഉദ്ഘാടനം ചെയ്തു. ചെയർമാൻ ശാദുലി അൽ അസ്അദി മാങ്കടവ് അധ്യക്ഷത വഹിച്ചു. എസ്.കെ.എസ്.ബി.വി സംസ്ഥാന ജനറൽ സെക്രട്ടറി അഫ്സൽ രാമന്തളി മുഖ്യ പ്രഭാഷണം നടത്തി. എസ്.കെ.എസ്.എസ്.എഫ് ജില്ല സെക്രട്ടറി ശബീർ പുഞ്ചക്കാട് മുഖ്യാതിഥിയായി. സുബൈർ അസ്ഹരി പാണ്ടിക്കാട്, റഫീഖ് അസ്ഹരി, ഇബ്രാഹീം മുസ്ലിയാർ, മുർഷിദ് തായിനേരി, ഇസ്മായിൽ വെള്ളൂർ എന്നിവർ സംസാരിച്ചു.