അണ്ടല്ലൂർക്കാവ്​ ഉത്സവം: സംഘർഷം ഒഴിവാക്കാൻ പൊലീസ്​ നിരീക്ഷണം ശക്തമാക്കും

തലേശ്ശരി: ധർമടം അണ്ടല്ലൂർക്കാവ് ഉത്സവത്തിന് മുന്നോടിയായി സർവകക്ഷി സമാധാനയോഗം. തലശ്ശേരി എ.എസ്.പി ചൈത്ര തെരേസ ജോണി​െൻറ അധ്യക്ഷതയിലാണ് ശനിയാഴ്ച യോഗംചേർന്നത്. ക്ഷേത്രപരിസരത്ത് രാഷ്ട്രീയസംഘർഷങ്ങൾ തടയുന്നതിനുള്ള പൊലീസി​െൻറ മുൻകരുതൽ നടപടിക്ക് സർവകക്ഷിയോഗത്തിൽ വിവിധ രാഷ്ട്രീയ പാർട്ടി പ്രതിനിധികൾ പിന്തുണ അറിയിച്ചു. ഇതി​െൻറ അടിസ്ഥാനത്തിൽ ഉത്സവത്തി​െൻറ ഭാഗമായി രാഷ്ട്രീയപാർട്ടികൾ സ്ഥാപിക്കുന്ന കൊടിതോരണങ്ങൾ, ഫ്ലക്സ് ബോർഡുകൾ, റോഡിലും വൈദ്യുതിത്തൂണുകളിലുമുള്ള എഴുത്തുകൾ എന്നിവ അനുവദിക്കില്ല. ഇക്കാര്യത്തിൽ വീഴ്ചവരുത്തിയാൽ പൊലീസ് കർശനനടപടി സ്വീകരിക്കും. ഉത്സവത്തി​െൻറ ഭാഗമായുള്ള ആചാരങ്ങളല്ലാതെ മറ്റ് ആചാരങ്ങൾ നടത്തുന്നതിനും വിലക്കുണ്ട്. സമൂഹമാധ്യമങ്ങളിൽക്കൂടി സംഘർഷത്തിന് പ്രേരിപ്പിക്കുന്നതോ പൊതുജനങ്ങൾക്ക് ഭീതിയുളവാക്കുന്നതോ മറ്റുള്ളവരെ അപകീർത്തിപ്പെടുത്തുന്നതോ ആയ പ്രചാരണങ്ങൾ പാടില്ല. ഇക്കാര്യത്തിൽ പൊലീസി​െൻറ നിരീക്ഷണമുണ്ടാകും. സ്ത്രീകൾക്കും കുട്ടികൾക്കും സുരക്ഷ ഉറപ്പാക്കാൻ ക്ഷേത്രത്തി​െൻറ ഒന്നര കിലോമീറ്റർ ചുറ്റളവിനുപുറത്ത് പട്രോളിങ് ഏർപ്പെടുത്തും. വാഹന പാർക്കിങ്ങിന് കൂടുതൽ സൗകര്യമൊരുക്കും. ഉത്സവത്തിന് ചിറക്കുനി ഭാഗത്തുനിന്ന് വരുന്ന വാഹനങ്ങൾക്ക് തട്ടാരിമുക്കുവരെയും മേലൂർ ഭാഗത്തുനിന്ന് വരുന്ന വാഹനങ്ങൾ കോളാട് പാലം താഴേക്കാവ് കവലവരെയും പിണറായി -പാറപ്രം ഭാഗത്തുനിന്ന് വരുന്ന വാഹനങ്ങൾ മോസ്കോ നഗർവരെയും മാത്രമാക്കി ഗതാഗതം ക്രമീകരിക്കും. യോഗത്തിൽ തലേശ്ശരി സി.ഐ കെ.ഇ. പ്രേമചന്ദ്രൻ, ധർമടം പ്രിൻസിപ്പൽ എസ്.ഐ എം.ആർ. അരുൺകുമാർ, ധർമടം ഗ്രാമപഞ്ചായത്ത് അധികൃതർ, ക്ഷേത്രഭാരവാഹികൾ, വിവിധ രാഷ്ട്രീയപാർട്ടി പ്രതിനിധികൾ എന്നിവർ സംബന്ധിച്ചു.