മോഷണം: തടവും പിഴയും

കണ്ണൂർ: ആശുപത്രിയിൽനിന്ന് മൊബൈലും പണവും കവർന്ന കേസിൽ പ്രതിക്ക് തടവും പിഴയും. ഉള്ളാൾ മദനി ക്വാർേട്ടഴ്സിൽ മുഹാദ് എന്ന മുന്നയെയാണ് (31) കണ്ണൂർ ഫസ്റ്റ് ക്ലാസ് (രണ്ട്) മജിസ്ട്രേറ്റ് കോടതി നാലു മാസം തടവിനും 2000 രൂപ പിഴ അടക്കാനും ശിക്ഷിച്ചത്. 2011 ജൂൺ 12നാണ് കേസിനാസ്പദമായ സംഭവം. കമ്പിലെ സ്വകാര്യ ആശുപത്രിയിൽ ക്ലീനിങ് തൊഴിലാളികളുടെ വിശ്രമമുറിയിൽനിന്ന് മൊബൈൽ ഫോണും പണവും കവർന്നുവെന്നാണ് കേസ്.