മാവോവാദികൾക്കായി ആറളം വനാതിർത്തി മേഖലകളിൽ തിരച്ചിൽ നടത്തി

കേളകം: മാവോവാദികൾക്കായി തണ്ടർബോൾട്ട് സേന ആറളം വനാതിർത്തി പ്രദേശങ്ങളിൽ തിരച്ചിൽ നടത്തി. 15 അംഗ തണ്ടർബോൾട്ട് സേനയാണ് അടക്കാത്തോട്, കരിയങ്കാപ്പ് പ്രദേശങ്ങളിൽ മാവോവാദികൾക്കായി തിരച്ചിൽ നടത്തിയത്. കഴിഞ്ഞദിവസം ആറളം ഫാമിലും തിരച്ചിൽ നടത്തിയിരുന്നു. പതിവ് പരിശോധനയുടെ ഭാഗമായാണ് തണ്ടർബോൾട്ട് സേനയുടെ തിരച്ചിലെന്നാണ് പൊലീസ് കേന്ദ്രങ്ങൾ നൽകിയ വിശദീകരണം.