കണ്ണൂർ സർവകലാശാല വനിത കബഡി ചാമ്പ്യൻഷിപ്: ഫിസിക്കൽ എജുക്കേഷൻ കണ്ണൂർ ജേതാക്കൾ

ഇരിട്ടി: കണ്ണൂർ സർവകലാശാല വനിതാ കബഡി ചാമ്പ്യൻഷിപ്പിൽ കണ്ണൂർ സർവകലാശാല ഫിസിക്കൽ എജുക്കേഷൻ വിഭാഗം ജേതാക്കളായി. കാഞ്ഞങ്ങാട് നെഹ്റു കോളജിന് രണ്ടാം സ്ഥാനവും കാസർകോട് ഗവ. കോളജിന് മൂന്നാം സ്ഥാനവും ലഭിച്ചു. ആതിഥേയരായ ഇരിട്ടി എം.ജി കോളജ് ഉൾപ്പെടെ ആറു ടീമുകൾ പങ്കെടുത്തു. മത്സരങ്ങൾ ഇൻറർനാഷനൽ കബഡി കോച്ച് കെ. ഗണേഷ് ഉദ്ഘാടനം ചെയ്തു. കോളജ് പ്രിൻസിപ്പൽ ഡോ. എം.ജെ. മാത്യു അധ്യക്ഷത വഹിച്ചു. ബിപിൻ ആൻറണി, ഡോ. ഷിജോ എം. ജോസഫ്, കെ. വത്സരാജ്, അഭിലാഷ് വർഗീസ്, ദർശ് എം. ചാക്കോ എന്നിവർ സംസാരിച്ചു. സമാപനസമ്മേളനം സണ്ണി ജോസഫ് എം.എൽ.എ ഉദ്ഘാടനം ചെയ്തു.