സി.ഡബ്ല്യു.എസ്.എ സംസ്ഥാന സമ്മേളനത്തിന് കൂത്തുപറമ്പിൽ തുടക്കം

കൂത്തുപറമ്പ്: കൺസ്ട്രക്ഷൻ വർക്കേഴ്സ് സൂപ്പർവൈസേഴ്സ് അസോസിയേഷൻ എട്ടാം സംസ്ഥാന സമ്മേളനത്തിന് കൂത്തുപറമ്പിൽ തുടക്കമായി. പാറാൽ റൂറൽ ബാങ്ക് ഓഡിറ്റോറിയത്തിലെ ടി.കെ.വാസു മേസ്ത്രി നഗറിൽ നടക്കുന്ന പ്രതിനിധി സമ്മേളനം കണ്ണൂർ ജില്ല പഞ്ചായത്ത് പ്രസിഡൻറ് കെ.വി. സുമേഷ് ഉദ്ഘാടനം ചെയ്തു. സംസ്ഥാന പ്രസിഡൻറ് ബി.കെ. അബ്ദുൽ സമദ് അധ്യക്ഷത വഹിച്ചു. ജോ. സെക്രട്ടറി അബ്ദുൽ സലിം അനുശോചന പ്രമേയം അവതരിപ്പിച്ചു. സംസ്ഥാന സെക്രട്ടറി ഭാസ്കരൻ വടക്കൂട്ട് പ്രവർത്തന റിപ്പോർട്ടും ട്രഷറർ വി.ഒ.കെ. രാജൻ വരവുചെലവ് കണക്കും അവതരിപ്പിച്ചു. സംഘടന നടപ്പാക്കുന്ന കുടുംബക്ഷേമ പദ്ധതികൾ സംസ്ഥാന ചെയർമാൻ കെ.എൻ. ഉണ്ണി പ്രഖ്യാപിച്ചു. മോഹനൻ പഴേടത്ത്, കാടാച്ചിറ ബാബു, യു.എൻ. മോഹനൻ തുടങ്ങിയവർ സംസാരിച്ചു. സ്വാഗതസംഘം ജനറൽ കൺവീനർ ടി. ദിനേശൻ സ്വാഗതം പറഞ്ഞു. വ്യാഴാഴ്ച രാവിലെ 11 മണിക്ക് നടക്കുന്ന സാംസ്കാരിക സമ്മേളനം കൂത്തുപറമ്പ് നഗരസഭ ചെയർമാൻ എം. സുകുമാരൻ ഉദ്ഘാടനം ചെയ്യും. വൈകീട്ട് നാലുമണിക്ക് തൊക്കിലങ്ങാടി കേന്ദ്രീകരിച്ച് പതിനായിരത്തോളം പേർ അണിനിരക്കുന്ന പ്രകടനം. തുടർന്ന് ടൗൺ സ്ക്വയറിൽ പൊതുസമ്മേളനം നിയമസഭ െഡപ്യൂട്ടി സ്പീക്കർ വി. ശശി ഉദ്ഘാടനം ചെയ്യും. സമ്മേളനത്തി​െൻറ ഭാഗമായുള്ള ബിൽഡിങ് എക്സ്പോ രണ്ട് ദിവസമായി നഗരസഭ സ്റ്റേഡിയത്തിൽ നടന്നുവരുകയാണ്.