മക്കൾ സംരക്ഷിക്കുന്നില്ല; പരാതിയുമായി വയോധിക സ്​റ്റേഷനിൽ

തളിപ്പറമ്പ്: ഉന്നതനിലയിലുള്ള മക്കള്‍ സംരക്ഷിക്കുന്നില്ലെന്ന് അമ്മയുടെ പരാതി. അമ്മയെ െപാലീസ് വൃദ്ധസദനത്തിലാക്കി. മുയ്യം വടക്കാഞ്ചേരിയിലെ തറമ്മല്‍ കല്യാണിയമ്മക്കാണ് (82) ഈ ദുര്‍ഗതി. വീണ് പരിക്കേറ്റ് പരസഹായംകൂടാതെ ജീവിക്കാന്‍ സാധിക്കാതെവന്നതോടെയാണ് ഇവര്‍ മക്കള്‍ക്കെതിരെ പരാതിയുമായി തളിപ്പറമ്പ് െപാലീസ് സ്‌റ്റേഷനിലെത്തിയത്. സ്റ്റേഷന്‍ ഹൗസ് ഓഫിസര്‍ പി.കെ. സുധാകരൻ മക്കളെ വിളിച്ചുവരുത്തി സംസാരിച്ചെങ്കിലും സംരക്ഷണം ഏറ്റെടുക്കാത്തതിനാല്‍ പട്ടുവം ദീനസേവനസഭയുടെ സ​െൻറ് ലൂക്ക് ഹോമിലെത്തിക്കുകയായിരുന്നു. ഭര്‍ത്താവ് രാഘവന്‍ 20 വര്‍ഷം മുമ്പ് മരിച്ചശേഷവും കൂലിപ്പണിചെയ്താണ് ഇവര്‍ കഴിഞ്ഞിരുന്നത്. കര്‍ഷകത്തൊഴിലാളിയായിരുന്ന ഇരുവരും ഏറെ കഷ്ടപ്പെട്ടാണ് മൂന്നു മക്കളെയും പഠിപ്പിച്ച് ഉന്നതനിലയിലെത്തിച്ചതെന്ന് മാതാവ് പൊലീസിനോട് പറഞ്ഞു.