അവാർഡ് ജേതാവിനെ ആദരിച്ചു

കൂത്തുപറമ്പ്: മുഖ്യമന്ത്രിയുടെ പുരസ്കാരം നേടിയ കൂത്തുപറമ്പ് ഫയർസ്റ്റേഷനിലെ ലീഡിങ് ഫയർമാൻ കെ. ദീപുകുമാറിനെ മമ്പറം ഹയർ സെക്കൻഡറി സ്കൂൾ റിട്ടയേർഡ് സ്റ്റാഫ് അസോസിയേഷൻ നേതൃത്വത്തിൽ ആദരിച്ചു. കൂത്തുപറമ്പ് സിറ്റി ഓഡിറ്റോറിയത്തിൽ നടന്ന പരിപാടി കണ്ണൂർ സിറ്റി സി.ഐ കെ.വി. പ്രമോദ് ഉദ്ഘാടനം ചെയ്തു. സി. ചന്ദ്രൻ അധ്യക്ഷത വഹിച്ചു. വി.കെ. മോഹൻദാസ്, സി.വി. തിലക്രാജ്, കെ. രവീന്ദ്രൻ, എ. രതീശൻ, പി.വി. ലീല, കെ.കെ. ശശീന്ദ്രൻ, എസ്.കെ. വിനയൻ, സന്തോഷ് കുമാർ, സി.വി. ദിനേശ് ബാബു തുടങ്ങിയവർ സംസാരിച്ചു.