നഗരത്തിൽ കെട്ടിടത്തിന്​ തീപിടിച്ച്​ ലക്ഷങ്ങളുടെ നഷ്​ടം

കാസർകോട്: . ഫോർട്ട് റോഡിലെ കെട്ടിടത്തി​െൻറ രണ്ടാം നിലയിലെ പ്ലാസ്റ്റിക് ഉൽപന്നങ്ങൾ സൂക്ഷിച്ച ഗോഡൗണിനാണ് തീപിടിച്ചത്. വ്യാഴാഴ്ച രാത്രി 7.15ഒാടെയാണ് സംഭവം. ഫോർട്ട്റോഡിലെ റാഹ ആര്‍കേഡിൽ പ്രവർത്തിക്കുന്ന തുരുത്തി സ്വദേശി ഹംസയുടെ ഉടമസ്ഥതയിലുള്ള നാനോ പ്ലാസ്റ്റ്സ് എന്ന സ്ഥാപനത്തി​െൻറ ഗോഡൗണാണ് കത്തിനശിച്ചത്. മുറിക്കകത്ത് സൂക്ഷിച്ച വിൽപനക്കുള്ള സാധനസാമഗ്രികൾ പൂർണമായി നശിച്ചു. കാസർകോട് ഫയർഫോഴ്സി​െൻറ നാലു യൂനിറ്റ് മണിക്കൂേറാളം പാടുപെട്ടാണ് തീയണച്ചത്. കെട്ടിടത്തിൽനിന്ന് പുക ഉയരുന്നതുകണ്ട് സമീപവാസികളാണ് ഫയര്‍ഫോഴ്‌സില്‍ വിവരമറിയിച്ചത്. തീയണച്ചിട്ടും പുക ഉയർന്നുകൊണ്ടിരിക്കുകയാണ്. തൊട്ടടുത്ത വ്യാപാരസ്ഥാപനങ്ങളിലേക്കും ഓഫിസുകളിലേക്കും തീ പടരാതിരുന്നത് വലിയ അപകടം ഒഴിവാക്കി. വൈദ്യുതി ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്ന് സംശയിക്കുന്നു.