യുവാവ് ഭാര്യയുടെ കൈകാലുകൾ വെട്ടി

മംഗളൂരു: ബസിറങ്ങി വീട്ടിലേക്ക് നടക്കുകയായിരുന്ന ഭാര്യയെ യുവാവ് പിറകിൽനിന്ന് ആക്രമിച്ച് മാരകമായി പരിക്കേൽപിച്ചു. ഹെമുണ്ടെയിലെ സന്തോഷ് പൂജാരിയാണ് (27) ഭാര്യ അനുശ്രീയെ (23) ആക്രമിച്ചത്. കൈകാലുകൾ അറ്റനിലയിൽ യുവതി മണിപ്പാൽ കെ.എം.സി ആശുപത്രിയിൽ തീവ്രപരിചരണവിഭാഗത്തിലാണ്. മുംബൈയിൽ ലോഡ്ജ് മാനേജറായ സന്തോഷ് പൂജാരിയും അനുശ്രീയും കഴിഞ്ഞവർഷം ജനുവരിയിലാണ് പ്രണയവിവാഹിതരായത്. യുവതി ബംഗളൂരുവിൽ ജോലി സ്വീകരിച്ചതിനെത്തുടർന്നുള്ള വഴക്കാണ് ആക്രമണത്തിൽ കലാശിച്ചതെന്ന് പൊലീസ് പറഞ്ഞു.