'ഋതുസംഗമം' സീഡി പ്രകാശനം

മാതമംഗലം: രാഗലയം കലാക്ഷേത്രം നിർമിച്ച 'ഋതുസംഗമം' ഹ്രസ്വചിത്ര ഗാനോപഹാരം എരമം-കുറ്റൂർ ഗ്രാമപഞ്ചായത്ത് പ്രസിഡൻറ് കെ. സത്യഭാമ പ്രകാശനം ചെയ്തു. പ്രളയദുരിതാശ്വാസ നിധിയിലേക്കുള്ള 'രാഗലയ'ത്തി​െൻറ സംഭാവന ചടങ്ങിൽ നൽകി. ബ്ലോക്ക് പഞ്ചായത്ത് അംഗം ലക്ഷ്മിക്കുട്ടി, കാരയിൽ കമലാക്ഷൻ, വെദിരമന വിഷ്ണു നമ്പൂതിരി എന്നിവർ സംസാരിച്ചു. യുവനടൻ ഒ.കെ. പരമേശ്വരൻ നായകനായ ചിത്രത്തി​െൻറ അണിയറ ശിൽപികളായ രമേശൻ പെരിന്തട്ട (നിർമാണം- സംഗീതം), രാമകൃഷ്ണൻ കണ്ണോം (രചന- സംവിധാനം), സജീവൻ ഏഴിലോട് (കാമറ), വിനോദ് ഓലയമ്പാടി (എഡിറ്റിങ്), ഷിബുരാജ് പെരിന്തട്ട (സഹസംവിധാനം), ജയരാജ് കുന്നരു, സിനി രമേഷ്, എ.വി. അരുണ, സി. ഗോവിന്ദൻ തുടങ്ങിയവർ സംബന്ധിച്ചു.