ഓണം പച്ചക്കറി ചന്ത

ചെറുപുഴ: ഓണക്കാലത്ത് പൊതുവിപണിയില്‍ പഴം-പച്ചക്കറി ഉൽപന്നങ്ങള്‍ക്ക് ഉണ്ടാകുന്ന വിലവര്‍ധന പിടിച്ചുനിര്‍ത്താന്‍ കാര്‍ഷിക ക്ഷേമവകുപ്പി​െൻറ നേതൃത്വത്തില്‍ പഴം-പച്ചക്കറി വിപണനമേള ചെറുപുഴയില്‍ തുടങ്ങി. കര്‍ഷകര്‍ ഉൽപാദിപ്പിച്ച ജൈവപച്ചക്കറികള്‍, പഴവര്‍ഗങ്ങള്‍ എന്നിവ മിതമായ നിരക്കില്‍ ഇവിടെ ലഭിക്കും. പഞ്ചായത്ത് മാര്‍ക്കറ്റ് പരിസരത്ത് ആരംഭിച്ച വിപണനമേള വൈസ് പ്രസിഡൻറ് ജാന്‍സി ജോണ്‍സന്‍ ഉദ്ഘാടനം ചെയ്തു. കൃഷി ഓഫിസര്‍ ജയരാജന്‍ നായര്‍, സ്ഥിരം സമിതി ചെയര്‍മാന്‍ ഡെന്നി കാവാലം, പഞ്ചായത്തംഗങ്ങളായ കെ.കെ. ജോയി, കെ. രാജന്‍ എന്നിവര്‍ സംബന്ധിച്ചു. വിപണനമേള ബുധനാഴ്ച സമാപിക്കും.