കരിയാട്-പുല്ലൂക്കരയിൽ വെള്ളം കയറി

പെരിങ്ങത്തൂർ: പാനൂർ നഗരസഭയിലെ പുല്ലൂക്കര, പെരിങ്ങത്തൂർ, കരിയാട്, മുക്കാളിക്കര, തോക്കോട്ട് വയൽ പെട്ടിപ്പാലം ഭാഗങ്ങളിൽ വെള്ളം കയറി. ഈ ഭാഗങ്ങളിൽ കൂടി കാൽനടപോലും ദുസ്സഹമായി. തോക്കോട്ട് വയൽവഴിയുള്ള വാഹന, കാൽനടയാത്ര നാട്ടുകാർ ഇടപെട്ട് തടഞ്ഞു. കരിയാട് മുക്കാളിക്കരയിലെ നിരവധി കുടുംബങ്ങളെ മാറ്റിപാർപ്പിച്ചു. പുല്ലൂക്കരയിലെ നിർമാണത്തിലിരിക്കുന്ന എടക്കുടി അബ്ദുറഹ്മാ​െൻറ വീട്‌ പൂർണമായും തകർന്നു. കരിയാട് ചോക്കണ്ടി ജമീലയുടെ വീട്ടുകിണർ ഇടിഞ്ഞുതാഴ്ന്നു. ഒളവിലത്തെ മൈലാട്ട് ബാല​െൻറ വീട് കനത്തമഴയെ തുടർന്ന് തകർന്നു.