കേളകം അഴിമതിരഹിത ജനസൗഹൃദ പഞ്ചായത്ത്; പ്രഖ്യാപനം ഇന്ന്

കേളകം: കേളകം ഗ്രാമ പഞ്ചായത്തിനെ അഴിമതി രഹിത ജനസൗഹൃദ കാര്യക്ഷമത പഞ്ചായത്തായി ബുധനാഴ്ച പ്രഖ്യാപിക്കും. ഉച്ച രണ്ടിന് ഐശ്വര്യ ഓഡിറ്റോറിയത്തിൽ നടക്കുന്ന ചടങ്ങിൽ പി.കെ. ശ്രീമതി എം.പി പ്രഖ്യാപനം നടത്തുമെന്ന് പഞ്ചായത്ത് ഭരണസമിതി അംഗങ്ങൾ വാർത്തസമ്മേളനത്തിൽ പറഞ്ഞു. തിരഞ്ഞെടുത്ത 43 ഗ്രാമപഞ്ചായത്തുകളിലാണ് ഒന്നാം ഘട്ട പ്രഖ്യാപനം നടത്തുക. ഇതിൽ ഉൾപ്പെടുത്തിയാണ് കേളകം ഗ്രാമപഞ്ചായത്തിനെ അഴിമതി രഹിത ജനസൗഹൃദ കാര്യക്ഷമത ഗ്രാമപഞ്ചായത്തായി പ്രഖ്യാപിക്കുന്നത്. പ്രസിഡൻറ് മൈഥിലി രമണൻ, വൈസ് പ്രസിഡൻറ് രാജൻ അടുക്കോലിൽ, വികസന സ്റ്റാൻഡിങ് കമ്മിറ്റി ചെയർപേഴ്സൻ തങ്കമ്മ സ്കറിയ, പഞ്ചായത്ത് സെക്രട്ടറി പി.കെ. വിനോദ് എന്നിവർ വാർത്തസമ്മേളനത്തിൽ പങ്കെടുത്തു.