3700 പാക്കറ്റ് നിരോധിത പുകയില ഉൽപന്നങ്ങൾ പിടികൂടി

പഴയങ്ങാടി: നിരോധിത പുകയില ഉൽപന്നങ്ങളുടെ 3700 പാക്കറ്റുകളുമായി രണ്ടുപേർ പിടിയിലായി. പുതിയങ്ങാടിയിലെ കെ.ടി. അറഫാത്ത് (27), ഉൽപന്നങ്ങൾ കയറ്റിയ ഓട്ടോ ഡ്രൈവർ കെ.പി. ഫൈസൽ (32) എന്നിവരെയാണ് പഴയങ്ങാടി പൊലീസ് അറസ്റ്റ് ചെയ്തത്. മംഗളൂരുവിൽനിന്ന് പുകയില ഉൽപന്നങ്ങളുമായി ഏഴിമല റെയിൽവേ സ്റ്റേഷനിലിറങ്ങി ഓട്ടോയിൽ പുതിയങ്ങാടിയിലേക്ക് വരുന്നതിനിടെയാണ് ഓട്ടോ പിന്തുടർന്ന് പിടികൂടിയത്. പഴയങ്ങാടി എസ്.ഐ പി.എ. ബിനുമോഹൻ, എ.എസ്.ഐമാരായ എം. കുഞ്ഞിരാമൻ, കെ.ജെ. മാത്യു, കെ.വി. റോസ്, സി.പി.ഒമാരായ കെ. സത്യൻ, കെ. ശരത്ത്, എ.ആർ. അജിത്ത്, ലാൽകൃഷ്ണ, ജിതേഷ്കുമാർ എന്നിവർ ചേർന്നാണ് ഇവരെ പിടികൂടിയത്. പ്രതികളെ വ്യാഴാഴ്ച കോടതിയിൽ ഹാജരാക്കുമെന്ന് പൊലീസ് പറഞ്ഞു.